Gummi A í CA

Lexía: Nota eitt tölvupóstfang...

2006-07-02T22:00:00.000Z

Já, það er best að vera bara með eitt tölvupóstfang, sérstaklega ef maður ættlar að reynað fylgjast með því hvað hinir krakkarnir í skólanum eru að gera.
Ég fór út án þess að forwarda háskólapóstinum á gmail og útkoman eru uþb 200 ólesin skeyti, það nýjasta að auglýsa partí útskriftarnema sem var á laugardaginn... án mín... :(
Gott að ég notaði laugardaginn í að hjálpa bróður mínum að flytja og eyddi kvöldinu í vídjó...
Well, ef einhver les þetta þá má bjóða mér í næsta partý ^_^
Ég er búinn að stilla forward á háskólapóstinn.

Kominn heim og vel sofinn

2006-06-24T08:42:00.000Z

Þá er maður lentur og búinn að snattast heilan helling. Það var ýmislegt sem þurfti að reddast þegar ég kom, sími, banki, sólgleraugu, hár. Núna er það yfirstaðið og þá tekur alvaran við - mála og taka til í herberginu. Úff.
Annars gekk heimferðin vel, við þurftum hvergi að bíða lengi, frekar hitt, í Boston var ég kallaður upp með nafni þegar vélin var að fara. Ekkert vesen á tollinum hérna heima sem betur fer, og ég keypti mér nýjan síma í fríhöfninni. Fyndið hvernig það eina sem maður græðir á að kaupa í fríhöfninni er áfengi, allt annað er bara ekkert ódýrt. Síminn sem ég keypti var skítódýr en hann er það líka hérna í bænum svo ég sparaði ekki neitt mikið, og sá sparnaður fór svo bara í að borga reikningana hvort eð er.
Svo ætla ég að nota tækifærið og mála herbergið, það er nánast tómt þar sem ég færi fullt af drasli upp þegar ég fór út. Ég byrjaði á einum vegg í gær og ætlaði bara að skafa smá í kringum naglaförin en þá datt gamla málningin af í A4 stærðar bútum þannig ég þurfti að kaupa grunn og byrja á því.
Mín reynsla af viðhaldi er aldrei byrja.

Sex Flögg og hálft-sex próf

2006-06-13T18:22:00.000Z

Þar sem ég á að verað læra er náttúrulega tilvalið að blogga í staðinn. Ég átti alltaf eftir að setja myndirnar ú Six Flags á netið síðan við fórum þangað fyrir uþb mánuði. Þá fékk ég heimsókn frá Óla, Vidda og Gunna Who, sem var mjög gaman, fínt að geta verið maður sjálfur án þess að allir haldi að maður sé klikkaður.
Við fórum út um allt, byrjuðum á því að keyra til LA og gistum í Santa Monica í tvær dýrar nætur. Fórum á Hooters, skylda, sem var magnað. Það er engin lygi, gellurnar þar er frekar fokkin flottar. Við sátum alveg við innganginn og höfðum ágætis útsýni á sætu sætavísu skvísuna. Það var bannað að taka myndir.
Seinna kvöldið byrjuðum við á aðeins fínni stað með töluvert betri mat, undarlegt en satt þá var hann samt jafn dýr og Hooters, en við tókum ekki eftir því fyrr en þá, enginn pældi í því á Hooters. Svo fórum við á sportbar þar sem okkur tókst að eyða enn meiri pening og Viddi og Gunni í ölæði sínu stálu poolborði af einhverjum gaurum sem svo rústuðu þeim ... í pool. Þegar við vorum búnir að eyða nóg af pening þar fórum við á stað sem hét einfaldlega 217, þar var $5 'skyldu frjálst framlag' sem átti víst að fara til góðs málefnis. Ok, hef séð það verra. Svo þegar við komum inn var verið að bjóða upp fólk. Við höfðum víst álpast inn á þrælauppboð. Sannleikurinn var ekki svo slæmur, þetta var 'date auction' þar sem fólk gat borgað fyrir mismunandi súr stefnumót með þeim sem var verið að bjóða upp. Akkúrat þegar við löbbuðum inn var verið að bjóða í gaur í jakkafötum en það lagaðist snarlega þegar næstu 3 uppboð voru gellur, og sumar ekki amalegar, sérstaklega sú sem reif utan af sér kjólinn. Svo kom shokkerinn, tveir bræður voru til boða og salurinn brjálaðist. Ég og Óli sátum rólegir í VIP horninu aftast á meðan Viddi var að reyna við allt sem hreyfðist og Gunni var uppá sviði að dansa. No lie. Það munaði minstu að hann hefði verið boðinn upp.
Eftir ævintýri okkar í LA var farið í Six Flags, sem er frekar magnaður rússíbanagarður. Þar rákumst við á Berg af bergur.is frægð sem hafði komið frá San Diego þar sem hann var að læra að hlaupa. Við vissum nú af honum þarna en rákumst samt á hann nánast eins og það hefði verið óvart. Um þá rússíbana sem við fórum í er allt gott að segja, fyrsti var ný opnaður og frekar krazy, eins og sést á meðfylgjandi myndum. Maður settist í sætin svona og fór svo af stað svona. Frekar klikkað. Síðan biðum við í 3 klukkutíma í röð fyrir einn rússíbana. Rétt er það, 3 heila klukkutíma fyrir einn rússíbana, ekkert meir. Hann var þess virði. Rétt er það, hann var þess fokking virði. Hann hét einfaldlega X og var klikkaður. Við Gunni náðum að bókstaflega hlaupa á milli rússíbana, komumst í 6 stykki sem er frekar gott miðað við að 3 af 8 klukkutímum í garðinum vorum við í einni röð. Mjög gott bara.
Svo sendi ég strákana heim með fullt af drasli fyrir mig sem ég nennti ekki að taka sjálfur. Um að gera að nota ferðina.
Og nú sit ég hér og á að verað læra fyrir 2 próf og skrifa eina lokaritgerðakippu, 5 stuttar og 2 langar ritgerðir. Sem er undarlegt þar sem alla mína háskólagöngu heima hef ég ekki notað fleiri orð en {lát, svo að, þá er, komið}, frekar mikil breyting að þurfa að farað nota nafnorð og sagnir aftur.

30°C+ og of heitt fyrir nærföt

2006-05-25T01:41:00.000Z

Já, eftir helgi af rigningu af biblískum stærðargráðum kom loksins sól. Sól með meiru. Hitinn var í kringum 32°C í dag og glampandi, skínandi, brennandi sól. Eftir tíma var svo heitt að ég varð að fara heim og skipta í sundstuttbuxurnar sem ég keypti fyrir eyðimörkurgönguna Coachella, og skella mér í sund. Reyndar ákvað ég að fá mér að éta og lesa smá fyrst, og þá varð ég var við að það voru einskonar mótmæli í gangi nálægt matvöruversluninni á campus. Það voru risastór plaggöt með myndum af fóstrum sem var búið að 'eyða', þærf voru frekar blóðuguar og ógeðslegar og höfðu óneitanlegt aðdráttarafl. Ég þrammaði hænuskrefum í átt að óvirkinu þar sem ég rakst á dömu sem greinilega var með þessu liði. Hún var ósköp kurteis og ágæt að tala við hana, þó það var greinilegt að hana langaði rosalega til að fá mig hennar band. Hún átti samt nokkra góða punkta og trúarbrögð komu hvergi inn í málið, þannig að ég spjallaði við hana þangað til fylgjendur fóstureyðinga fóru að garga, sem fyrir þeim var greinilega jafngilt því að rökræða. Á meðan daman og ég vorum að tala um hvenær er hægt að draga línuna á milli fósturs og einstaklings. Sumir voru fastir á því að lífið byrji við fæðingu, en þar sem ég var tekinn með keisaraskurði fanst mér það svoldið slæm viðmiðun og var meira á því að það væri í kringum 12 vikur. Eftir að hafa spjallað við hana í uþb 10 mín og hlusta á mótmælendurna öskra í uþb 10 sek fór ég loksins í sund.
Það var snilld, þó ég hafi lítið synt og meira legið í sólinni, baðaður í SPF 30. Þeir voru mjög stolltir af því að vera nýbúnir að opna 'SPA', sem í raun var einn heitapottur. Ég hló létt að því, heitur pottur er nú ekki neitt merkilegt heima. Fyrir mér er SPA staður með starfsfólki, ekki bara pottur með vatni.

Prófum að prófa próf

2006-05-14T20:09:00.000Z

Allir búnir í prófum bara, ef marka má almennu brotin sem fólk er svo hrifið af á MSN. Ég kláraði líka próf í þessari viku, verst að það voru miðsannarpróf en ekki lokapróf, það eru jú 4 vikur eftir hjá mér. Fjórar vikur af sól og sumarlestri, gerist ekki betra.
Annars er ég að reynað finna út úr því hvernig er hægt að koma bílnum og öllu draslinu sem í honum mun vera heim þegar ég fer heim. Ég er búinn að senda nokkra emila á ýmiss fyrirtæki sem bjóða upp á gámaþjónustu en þau sem hafa svarað hafa aldrei heyrt af Íslandi áður. Ég er farinn að halda að það væri einfaldara að taka frá landssvæði hérna í nágreninu og endurstofna Ísland þar sem hlutland í Ameríku. Ekki eins og það sé ekki nóg pláss, þetta væri uþb prómills aukning á íbúafjölda Bandaríkjanna.
Ef allt þetta gengur eftir þá get ég loksins bara keyrt bílinn heim.

Bannað að kúka á Coachella

2006-05-03T06:05:00.000Z

Ég var að koma heim af Coachella tónlistarhátíðinni, eða öllu heldur var ég að vakna eftir að koma heim af Coachella hátíðinni. Við ákváðum að keyra beint heim strax eftir að tónleikarnir enduðu á miðnætti á sunnudaginn og sem betur fer dugði bensínið alla leið heim, það munaði líklega ekki miklu, þetta voru rúmlega 45o mílur fram og til baka.

Af þeim sem ég sá voru Daft Punk bestir, ég tók uþb milljón vídjó (ok tæplega 30) á þeim tónleikum, þau eru hérna á Google Video. Ég tók fult af myndum, hérna eru þær nokkurnvegin ósorteraðar. Auk Daft Punk sá ég Tool, Depeche Mode, Sigur Rós, Madonnu, Common, Carl Cox, Ladytron, The Walkmen, Imogen Heap, Lady Sovereign, Eagles of Death Metal, Platinum Pied Pipers, Brother Ali, Yeah Yeah Yeahs, Bloc Party, Scissor Sisters, Gnarls Barkley, Coldcut, The Go! Team, Jazzanova og Murs. Frekar geggjuð hátíð, gott stuff.
Ég fór með Frikka sem er hérna úti í námi líka og vinum hans að heiman, Danna og Hildi Sigrúnu. Við keyptum tjöld og svefnpoka í Kmart og héldum af stað. Okkur var vísað á tjaldreit J5, svalasta tjaldreitinn af augljósum ástæðum. Við hliðina á okkur í J4 voru atvinnutjaldarar og hasshausar með meiru. Þau voru með stórt partýtjald, fult af stólum og vatni og voru gjafmild á það. Ég spurði, það var ekki sýra í því - sögðu þau og ég sá ekkert óeðlilegt þannig að allt í góðu. Það var líka ágætt að geta setið í skugga þegar hitinn var í kringum 27°C - í skugga, og ekki ský á himni. Coachella er nebblega í miðri eyðimörkinni og þar búa engin ský. Hátíðin var sett þannig upp að tjaldsvæðið var aðskilið frá aðalsvæðinu, og eftir að maður fór inná tónleikasvæðið var bannað að fara út og koma inn aftur, og það var bannað að taka með sér vatn eða nokkuð annað inná svæðið. Svo ef maður vildi kaupa sér áfengi, sem var leyfilegt, þurfti maður að fá armband og fara inná sérstakt svæði - bjórland - þar sem bjórinn bjó. Ekki mátti taka hann með sér út úr bjórlandi, enda leiðir slíkt til algerrar eymdar og vonleysis. Hinsvegar þurfti ekki mikið að gera til að nálgast gras, lítið meira en að draga andann djúpt og halda í sér í smá stund. Það voru bókstaflega allir með annaðhvort jónur eða pípur, undarlegt hvernig áfengi - sem var leyfilegt - var nánast ósýnilegt, á meðan gras - sem var bannað - var út um allt.
Hátíðin gekk mjög vel og ég var ekki var við neitt vesen, engin slagsmál og ekki dautt fólk útum allt. Ég sá einn gaur sem koxaði á einhverju en enga með dólgslæti eða derring eins og maður lendir í þegar allir eru rúllandi fullir. Kanski hátíðarhaldarar heima ættu að taka upp þetta kerfi, leyfa áfengi á blaði en banna í framkvæmd á meðan þeir banna gras á blaði en leyfa í framkvæmd. Það voru jú 'löggur' útum allt þarna, örugglega fleiri starfsmenn en áhorfendur, en engin virtist beita nefinu til að stofna til vandræða, og það voru engir dóphundar - þeir hefðu jú urrað á alla.
Ég ákvað að vera ekkert að stressa mig á sturtum þarna á svæðinu, fór bara í almennilega sturtu áður en ég fór og núna eftir að ég kom heim. Svipað með klósettferðir, ég tók mér góðan tíma á klósettinu áður en ég fór og náði að komast í gegnum alla helgina án þess að þurfað gera stórt. Enda var það ekki eitthvað sem mann langaði að gera í þessi ferðaklósett sem voru þarna. Þau voru nú alveg nógu mörg, uþb 4000 eða svo, en það dugði ekki til, sum voru allavega meira notuð en önnur - ekki meir um það. Segjum bara að það er ágætt að geta pissað standandi.

Frekknusafnarinn Frakki

2006-04-20T04:42:00.000Z

Fyrst það er loksinns hætt að rigna, þá er um að gera að njóta sólarinnar og slíkt hið sama gerði ég í dag. Vitir menn, ég brann ekki (mikið), allavega ekki fyrr en ég var búinn að fá nokkrar frekknur - sem með það sama urðu rauðar og þá var ég bara brunninn. Mér er samt alveg sama, ég er allavega með nokkuð samfelldan fagurrauðan húðlit en ekki flekkóttur af frekknum.
Annað er það helst að foreldrarnir eru farnir heim og Baldvin er fluttur inn í staðinn. Það gengur ágætlega, við erum búnir að fylla alla skápa af áfengi og klósettpappír (ótengt). Mikil tilraunastarfsemi í eldhúsinu, við eigum uþb. 5 kíló af spagettí sem er farið að vera erfitt að finna nýjar leiðir til að gera spennandi. Áfengið hjálpar - allt er spennandi með nóg af áfengi.
Ég keypti mér miða á Coachella sem er helgina 29-30 Apríl. Mikið fjör þar, nóg af böndum, meirað segja MADONNA. YES - ég get farið og hent einhverju í hana, ég er að pæla dós en það mætti vera eithvað frumlegra - td hamstur eða samankrumpaður flugdreki. Ég fer með Frikka og hans gengi, gistum (lesist 'stiknum') í tjaldi sem verður fjör. Þetta verður í miðri eyðimörkinni sem er einmitt hvers vegna við stiknum. Margt um góða takta þarna á ferð, Depeche Mode, Daft Punk, TV on the Radio og fleiri og fleiri. Verður pottþétt fjör þarna í eyðimörkinni, nóg af tækifærum til að brenna, tjútta og tralla.
Eins gott það er útsala á SPF 70 sólvörn í Walgreens (hugsaðu Hagkaup í Smáralind með lyfjadrasl)

Kapteinn tómatur og sigur Sólarinnar

2006-03-31T00:48:00.000Z

Spring break, wooo! Lítið woo reyndar, hér er blautviðri og partýstand eftir því - þeas ekkert, kanar eru hræddir við rigningu. Eftir seinasta prófið á fimmtudaginn var teigaður bjór og haldið í bæinn - á hádegi. En um kvöldið skruppum við Frikki og Baldvin í bíó á V (eða H ... ), hún var góð fannst mér en hún hefur lagst misjafnt í fólk. Svo á föstudaginn tjilluðum við Frikki með bjór á meðan Baldvin flaug til Seattle. Um kvöldið fundum við svo villta tónleika - við bókstaflega gengum á hljóðið (lætin) og fundum þetta:
Villt!
Frikki tók myndina, og fleiri (sjá ---> )
Eftir að þetta villta (og áfengisókeypisaða) partý endaði rölltum við í næsta hús, bókstaflega, og þar var annað partý. Meiri bjórkeypis bjór og nett lið. Svo var ráfað á perunni þangað til ég komst heim.
Helgin var þunn. En við skoðuðum blóm - fínt gegn þynnku.
Svo skruppum við í smá bíltúr, keyrðum með ströndinni í Hearst kastala og þaðan í Monterey Bay, þar sem Canary Row er (fyrir þá sem lesa bækur).
Hérna eru myndir þaðan. Þær sem ég tók inni í kastalanum eru shit, það er bannað að flassa þar. Við ætluðum að vera lengur en vegna veðurs keyrðum við heim í Íslenskri af/á rigningu á milli heimurinn-er-að-farast skúra.
Í dag er búið að vera ágætis veður og við fundum smá garð með útsýni til að sleikja sólina í, og þaðan kemur titillinn. Ég er kapteinn tómatur eftir nokkra tíma í sólskini.
Þú sigraðir núna, Sól, en ég skal eiga síðasta brunann!!

Chris og Græni bjórinn

2006-03-19T05:09:00.000Z

Núna á föstudaginn var St. Patrick's day og mikið fjör á fólki. Við fórum út að éta á Chilis þar sem pantaður var bjór, dökkur bjór - ekkert athugavert við það, fyrir utan að froðan var græn, sem er mjög girnilegt, sérstaklega með mat.
Svo var partý hjá Norsara nágrönnunum og svo var skroppið niðrá DP í IV (aðal partý gatan) og ráfað þangað til rétta partýið fannst. Þar var boðið uppá ókeypis bjór, sem reyndist vera ókeypis vatn með froðu, smá bragði og samasem engu áfengi.
Ég hitti alvöru Íra - Donavhan ef ég náði því rétt - mjög viðeigandi, og þegar ég sagðist vera Kristínarson ákvað hann að ég héti Chris, mun þjálla en Guðmundur fyrir þessi málhöltu grey hérna.
Það gekk ýmislegt á, einn Norsari handtekinn fyrir að vera með opinn bjór á almannafæri og öðrum Norsara dumpað af kærustunni á miðri götunni - löggu- og dömuvesen er jú nauðsynlegur hluti af skemmtilegu jammi. Vel heppnað kvöld í alla staði.
Svo var ég að þykjast læra fyrir þykjustu prófin sem ég er að fara í núna í vikunni, 3 próf, Mán Mið og Fimtudag. Fjör framundan.

Ljósmyndalabb

2006-03-06T04:09:00.000Z

Ég fór í smá göngutúr um svæðið núna á laugardaginn og tók með nýju myndavélina mína. Ég labbaði leiðina sem ég hjóla í skólann og fór svo hringinn í kringum vatnið sem er hérna við skólann. Hérna eru myndirnar, mér finnst þær bara nokkuð góðar - endilega látið mig vita hvað ykkur finnst.

Ég setti stóru myndirnar hérna ef þið viljið skoða þær, það er hægt á Flickr en það er vesen.
Ég get sett inn fleiri eftir óskum, látið mig bara vita.

Norðlæg átt og frost

2006-03-01T06:33:00.000Z

Jámm, skítaveður er greinilega heimslægt fyrirbæri, hérna er ... ekki frost en kallt og rigning út vikuna. Rigning - með stóru ERRi. Skúrir á köflum er ekki rétta hugtakið hér eins og heima. Vatnsdropar á stærð við andarunga og mikið af þeim. Við erum að tala um sandpoka stíflu við útganginn úr blokkinni og góð ástæða til. Reyndar rignir yfirleitt bara í stuttan tíma í einu eftir sólarlag en það er á við ársúrkomu heima. Svo má segja að mér brá töluvert þegar það kom haglél um daginn. Haglél á stærð við andarunga - ok ekki alveg en samt nóg til að koma manni í uppnám í Suður Kaliforníu.
Annars er önnin farin að styttast í annan endannnn. Ég er að fara í annað miðsannarpróf í næstu viku, svo er síðasta fyrirlestrarvikan og síðan koma próf.
Eftir það er svo SPRING BREAK! WOOOBOOOOZEHOOOOT!
Jafnvel væri gaman að skreppa til Las Vegas, það er víst 'the hot ticket', það og að fara til 'TJ' - Tijuana fyrir ykkur 'hvítu'.
Sjáum hvort ég get sannfært mömmu og pabba um að fara eitthvert annað - heh.

San Diego

2006-02-21T17:14:00.000Z

Við skruppum til San Diego um helgina, lögðum af stað á laugardaginn og komum aftur í gær. Það var mjög fínt, við náðum að fara í Dýraþrenninguna, San Diego Zoo, Sea World og Wild Animal Park. Það var ágætis veður, rigndi akkúrat á meðan við vorum inni að skoða hákarla, svo það hafði engin áhrif á okkur.
Ég tók nýju myndavélina með og var duglegur að taka myndir þangað til batteríið dó, þá fattaði ég að ég hafði gleymt hleðslutækinu.
Allavega hér eru myndir, ég skrifaði inn á þær á ensku fyrir íslenskuhalta vini okkar hér í kanaríki.

Drykkjusögur í öllum persónum.

2006-02-12T02:50:00.000Z

Ég fór á rall á föstudaginn. Hm, ég veit ekki með aðra persónu, ég get ekki fullyrt að þú hafir farið á rall á föstudaginn en þú skrifar bara um það hér fyrir neðan. En þeir/þær/þau fóru á rall á föstudaginn, það er sko víst.
Ég byrjaði á því að fara á klassískan píanókonsert eftir ábendingu frá Baldvini. Eftir það skrapp ég til Frikka sem ég mætti þegar hann var á leiðinni út að gera aðra tilraun til að kaupa Johnnie Walker Black Label. Það þýðir ekkert minna en vegabréf til að kaupa áfengi hér á bæ, en það er nóg að koma með það einusinni, þá setja þeir mann inní kerfið með fingrafari og mynd - svona er tæknin fullkomin. Við keyptum kippu af Heineken og töltum með góssið til hans þar sem það er ólöglegt að drekka á almannafæri, svipað og heima, nema hér er fólk handtekið fyrir að fara ekki eftir því - eða svo hefur verið sagt. Eftir tvo bjóra á mann röltum við niður í Study Hall, sem er mjög sniðugt nafn á bar. Þar var fjall í dyrunum sem tók ökuskírteinin okkar og stúderaði vandlega. Hann notaði lítið vasaljós til að lýsa það á alla kannta, upp í gegnum plastið og skoðaði myndina vandlega, sjá hvort hún væri fölsuð. Ég er nokkuð viss um að gaurinn hafði ekki hugmynd um hvar á því aldurinn kæmi framm, en hann var ekkert að pæla í því, hann leit bara á kortið og mig til skiptis með köldum svip, var að vonast til þess að ég brysti í grát og játaði að hafa falsað skírteinið. Þegar ég bauðst til að sýna honum hvernig ætti að lesa úr kennitölunni kom illilegur svipur á hann, ég var sendur inn með skömm. Sem var ágætt, ég komst allavega inn. Með bjór í hönd ætluðum við að setjast á barstóla við vegginn, ég sparkaði í annan sem var hálf skakkur upp við vegginn. Þá hrifsaði gamall durgur í mig og hreytti útúr sér "Hey, that's my chair!". Hann var nú ekkert reiður þannig séð, bara virkilega gamall og drukkinn, án hans hefði meðalaldurinn verið örugglega helmingi lægri, sem er afrek því það voru svona 30 manns þarna inni. Eftir að við fundum lausa stóla fórum við að pæla í mannskapnum þarna inni. Það var greinilega systrafélags samkoma í gangi, ekkert nema píur í sínu fínasta pússi, og karlpeningur eins og píranafiskar í kringum þær. Eftir ítrekað nart og annað áreiti dilluðu píurnar sér af stað og svona helmingurinn að restinni á eftir þeim. Við fórum líka, en af algerlega ótengdum ástæðum, þær voru bara að fara í sömu átt og við. Klukkan var hálf tólf og búið að kveikaja ljósin inni á staðnum því það lokar á miðnætti, sem sukkar. Ég var í naslstuði og við fórum á ónefndan taco stað þar sem ég fékk mér 'Regular Burrito' sem síðar kom í ljós að var rúmt kíló af gumsi innpakkað í álpappír. Það var meðan ég var að berjast við að éta þetta ferlíki sem við hittum sem mest af fólki, við sátum fyrir utan og þar sem klukkan var að ganga tólf var verið að tæma staðina og allir að fá sér nasl. Þar á meðal var Gaurinn sem hélt að höfuðborg Íslands væri Boulder (sem er btw borg í Colorado), hann og 17 ára asíupíurnar sem vildu læra íslensku voru vel í glas komin og ráfuðu á braut eftir að við leiðréttum þennan misskilning og kenndum þeim að segja "Ég heiti Tiffany".
Drykkjusagan í þriðjupersónu, um Sk8 pnk gaurana í næstu íbúð, hljómsveitina þeirra, 'þú reiðst gellunni sem ég er skotinn í' dramað - gelgjupíurnar í íbúðinni á móti, grasið, glamið og glamrið, fær að bíða þangað til næst (og ég er búinn að koma því í rithæft form).

Rúmdesímetri og rúmlega það

2006-02-10T19:27:00.000Z

Ég ætla að byrja á að óska Baldvini góðrar ferðar heim, hann ætlar að 'skreppa' til Íslands núna yfir helgina til að vera viðstaddur þegar unnustan útskrifast úr tónlistarskólanum. Ég segi 'skreppa' vegna þess að hann er að farað fljúga í 24 tíma til að vera heima í 48. Það sem menn gera ekki fyrir ... súkkulaði.
Talandi um það þá vona ég að Stiglar (og Stíglur) njóti kveðjunnar sem Baldvin færir ykkur frá mér. Tja, nema hann stingi af og komi til baka rúmdesímetranum breiðari.
Ef ykkur vantar smá öfund þá var 28°C hiti í gær og glampandi sól, strandstemming og stuð, það var tæpast hægt að greina á milli þeirra sem voru í sólbaði og þeirra sem voru að læra útí sólinni.

Skreppiferð

2006-02-05T02:05:00.000Z

Við skruppum upp í fjöllin í dag, bara stutt, ég er að fara í próf á mánudaginn. Þar rákumst við á þessa fínu eðlu sem var að spóka sig á steini.

Hérna er útsýnið inn á land, maður sér glitta í vatnið sem maður er látinn drekka, ef manni dettur í hug að drekka úr krana hérna.

Við rákumst á helli rétt við vegin með indjánakrassi á veggjunum. Þessir indjánar voru algerir skemmdarvargar, krassandi svona útum allt...

Going Postal - Skilgreining með dæmi

2006-01-31T22:23:00.000Z

Já, maður er sko staddur í Ameríkunni, þar sem byssur drepa ekki fólk.
Ég veit ekki hvort þetta þykir fréttaefni heima, en svona gerist víst enn. 'Kalifornía' er kannski ekki nákvæm staðsetning, hérna, þetta ætti að setja hlutina í samhengi. Ég er þar sem græna örin er, 7 manns voru skotin í gráu byggingunni hægra megin við rauða stopp merkið, 0.8 mílur eða ca. 1.3 km frá mér. Við keyrum þarna framhjá á leiðinni út í búð og við önnur dagleg tækifæri.
Þetta gerðist í krigum 9:15pm að staðartíma í gær, þá barst tilkynning til lögreglunnar um skotkvelli, 5 klst síðar var búið að finna 6 lík á svæðinu, þar af konuna sem talið er að hafi skotið hina. Tvær konur voru fluttar á sjúkrahús þar sem önnur lést en hin er (síðast þegar ég vissi) enn í lífshættu.
Ég man þegar við keyrðum framhjá þarna fyrst og ég sá USPS merkið fyrir utan og sagði "Það er þá ekki langt fyrir okkur að fara með póstkortin í póst".
Vonandi er mér fyrirgefið að senda ekki póstkort, allavega ekki í bili.
Hérna er fréttin ein og ég las hana stuttu eftir að ég settist niður með morgunmatinn minn í morgun...
Annars er lítið um önnur tíðindi. Við íslendingarnir á svæðinu skruppum út að borða saman á sunnudaginn, vorum 12 saman og spjölluðum hátt á íslensku og átum ruddalega - þjóðinni til sóma.

HD Cable á 2405FPW skjá

2006-01-29T01:32:00.000Z

Það er svo gaman að geta horft á Battlestar Galactica í beinni útsendingu, en það er líka gaman að horfa á það af harðadisknum í afruglaranum. Við lifum í sannkallaðri tækniparadís.
Og það er sól úti, btw, ég sé það í gegnum gluggatjöldin.
Annars hjóla ég í skólann á hverjum degi, það er ekki hægt annað, hjólreiðafólkið er búið að taka yfir göturnar hérna allt í kring, hvergi hægt að hvorki keyrna né labba. Það eru hringtorg hér líkt og heima, nema hérna eru þau fyrir hjól. Ég gat ekki annað en skellt uppúr þegar ég rakst á eitt slíkt í fyrsta skiptið, hjólaði heilan hring auka og fék ill augnaráð úr öllum áttum.
Svo eiga hjólin réttinn, ég var varaður við þegar ég fékk hjólið sem ég er á, "maður er hjólaður niður" ef maður passar sig ekki þar sem maður þarf að labba yfir hjólastígana.
Það er $150 sekt fyrir að reiða ekki hjólið sitt á göngustígunum, eða svo er manni tilkynnt á skilltum meðfram þeim. 'Nei, andskotinn' hugsaði ég, 'getur ekki verið að þeir sekti mann í alvörunni'. Svo eitt skiptið, þegar ég var að taka krók eftir göngustíg vegna framkvæmda við hjólastíginn, sé ég hvar tveir lögregluþjónar, á hjólum, eru búnir að stoppa tvær stelpur sem voru greinilega að gera líkt og ég, sleptu því að reiða hjólin. Ég vippaði mér snarlega af baki og tók við að labba með hjólið. Það var greinilegt að önnur tók þetta mjög nærri sér, hún var hágrenjandi - ekkasog og allur pakkinn. Það tók nú ekki mikið á lögregluþjóninn, hann var greinilega öllu vanur, en ég gat ekki annað en vorkennt helvítis stelpunni. "Waaaa, ég er í verkfræði og á engann pening, wwaaa. Ég drekk úr pollum og ét köngla, *sniff sniff*". Löggan var með sólgleraugu (löggusólgleraugu, ekkert minna) og starði kalt á stelpuna á meðan ég laumaði mér framhjá með mitt hjól. Ég kunni nú ekki við að stara, en er nokkuð viss um að mannfjandinn lét sektina standa - ég er ekki frá því að stelpan hafi staðið glennuleg úti á horni þegar ég var að labba heim í gærkvöldi.
Í gær fór ég nefninlega í gær að sjá standup mep John Cleese. Hann er helvíti fyndinn enn, og á svona helvíti myndarlega (og þónokkuð fyndna) dóttur sem var með honum í sýningunni. Þau tóku kaliforníu útgáfu af 'Dauða páfagauknum' þar sem í staðin fyrir páfagaukinn var 'trophy wife' í búri sem var, skv sölumanninum, als ekki dauð.
Hristi búrið, sko hún hreyfði sig!

Gudmunder, Guomundur, Gurgleblonk

2006-01-26T22:39:00.000Z

Ýmis nöfn ber að nefna. Þessir kanar eiga í stökustu vandræðum með 'Guðmundur' og þó margir reyni sitt besta við að bera það rétta framm eru þeir fleiri sem bara skálda eitthvað sem hljómar, eða lítur út, uþb eins. Best var samt þegar ég kynnti mig fyrir 'Jen' sem er með mér í Talnafræði. Hún spurði mig hvort ég væri kallaður einhverju styttra nafni (...svipað og í 5th Element, nema hún er ekki Bruce og ég er ekki Milla - hún gæti hinsvegar verið systir Millu ... og ég bróðir Bruce? =). Þegar ég sagði 'Gummi' kom undarlegur svipur á hana, eftir smá stund sagði hún "Like Gummy Bear?" Ok, núna er ég Gúmmí Bangsinn... þetta er eins og að vera kominn í barnaskóla aftur :/

Gummi Gúmmí Bangsi, Gummi GúmmíBangsi GUMMIGÚMÍBANGSI!!! AAAAHHHH!!!

Stoltur Cadillac eigandi!

2006-01-22T00:22:00.000Z

Núna er ég, Guðmundur, stoltur Cadillac eigandi. Eða verð það á mánudaginn þegar ég er búinn að fara með pappírana í DMV.
Þennan bíl:
http://fyad.org/9xtb
keypti ég.

Woot.

Myndir!

2006-01-20T05:34:00.000Z

Jæja, ég er búinn að setja inn nokkrar myndir af ferðinni sem við skruppum til LA um síðustu helgi.

http://photobucket.com/albums/f366/gakera/LosAngeles14Jan/?start=all

Við keyrðum í gegnum Malibu á leiðinni niðrettir og gistum í Santa Monica, sem er hlutborg í LA. Það eru reyndar engar myndir frá ferðinni í Universal Studios, en það vita nú allir hvernig þar er um að litast (Hint: Caarazy). Pabbi tók nokkrar þar en er ekki búinn að setja þær inná tölvuna, bæti þeim við þegar þær berast.
Svo fæ ég myndavélina lánaða einhverntíman og tek fleiri myndir af flotta veðrinu sem er hérna.

Af tíðarblóði og öðrum tíðindum

2006-01-18T05:22:00.000Z

Já, tíðarblóð. Þegar við mættum fyrst í íbúðina okkar, daginn eftir að við lentum, tók á móti okkur óþrifnaður af hæstu og iðandistu gráðu. Kellingin sem leigði íbúðina á undan okkur hafði lofað að þrífa íbúðina eftir dóttur sína sem hafði búið hérna síðustu mánuði. Sú hafði verið í skólanum, UCSB, en lent í dópinu, hafsjó af dópi, ef marka má ummerkin. Svo skemmtilega vill til að það fyrsta sem ég rak augun í, þegar við hættum okkur yfir Kakkalakkaland (dyramottuna) og inn á Blettaflöt (vínyldúkinn), var lófastór rauður blettur í Skriðbæli (teppinu). Ég held því framm að þetta sé (nb. ekki var eða 'hafi verið') tíðarblóð eða allavega einhverskonar blóð. Eftir að Hreingerningarhersveitin (sem Kellingin borgaði fyrir) tók 6-8 tíma í að þrífa, sem samt var ekki nóg, og við fórum N ferðir með teppahreinsivél yfir Rauðínu (já, ég skírði blettinn) situr hún enn sem fastast á miðju stofugólfinu. Við enduðum með að kaupa litla mottu í svipuðum lit og teppið og núna fær Rauðína að dúsa þar undir, einskonar skammarkrókur fyrir tíðarblóð...
Núna er hinsvegar allt orðið hreint og fínt, meiraðsegja Rauðína - eins hrein og best skal láta, en til staðar þó enn. Við henntum meirihluta af því sem við fundum hérna inni, glösum, áhöldum, ílátum og fleiru sem var handan björgunar. Sófinn sem var undir stofuglugganum ældi fjalli af troð (þessu hvíta gervi ógeði sem er inní honum) þegar við færðum hann til að þrífa teppið undir honum, þannig að hann endaði fyrir utan íbúðina. Planið var að ákveða hvort við ætluðum að henda honum eða reyna að þrífa og nota. Sú ákvörðun var tekin fyrir okkur því eftir að við fórum út að borða (það var ekkert til í íbúðinni, hvorki til að elda eða elda með, til að borða með né af eða sitja við né á) var sófinn horfinn þegar við komum til baka. Seinna komst ég að því að hann lifir góðu lífi enn í íbúð 12 hérna við hliðina á okkur, og eftir að honum var bætt þar við er hægt að tala um eina mublu inn í þeirri íbúð (ég tel múrsteina, pappakassa og glanspússaða járnplötu ekki sem mublur). Fólkið í íbúðunum hérna í kring er mestmegnis fátækir námsmenn, með áherslu á fátækir og námsmenn í tveimur svigum og gæsalöppum með kommum (("'svona'")). Það var frekar lýsandi gólið sem við heyrðum óviljandi daginn sem við komum að skoða - "HEY STEVE, I BLEW A .24!" - þar er átt við áfengismagn í blóði...
Nú þegar við erum búin að koma okkur almennilega fyrir og við vorum að koma með nýtt rúm (notað, keypt á $100) heim og erum búin að koma endanlegu skipulagi á svefnskipan. Mamma og pabbi hafa 2 sundurlæg rúm inní herbergi og ég fékk stóra rúmið en sef framm í stofu (allir sáttir, allavega ég og þ.a.l. allir). Pabbi komst í Craigslist.com og er búinn að þramma sem óður um þá síðu, finnandi allt frá forláta borðstofuborði með 6 stólum (sem við keyptum) niðrí notuð dömubindi sem félagsskap fyrir Rauðínu (sem við keyptum ekki)...
Ég er búinn að skrá mig í tvö námskeið, Óevklíðska rúmfræði (algjört gúmmelaði) og Tölulega greiningu ("Q: Whose calculator can tell me what 3*4 is? A: LOW BATTERY?"). Ég þarf að skrá mig í eitt námskeið enn og valdi Talnafræði, aðalega útaf gellunum þar (já, það eru sko gellur í stærðfræðinni hérna - ... ). Talandi um gellur... þær eru allstaðar hérna. Þær sem seldu okkur rúmið? Gellur! Þær sem afgreiða mann í matvöruversluninni? Gellur! Þær sem tala opinskátt um kynfarir sínar meðan þær afgreiða mann í matvöruversluninni? Gellur sem betur fer, og fá tips fyrir!
Við fórum í Skreppitúr til LA um helgina, ég keyrði djarfur á bílaleigubílnum á hraðbraut alla ströndina, gegnum Malibu (þar sem Barbie býr, við sáum hana, húsið, bílinn og furðu frjóa stóðhestinn hennar) og niður í Santa Monica. Þar fundum við ódýrt mót-hel, Pacific Sands (og sá sandur var, af herbergjunum að dæma, legsandur), og löbbuðum niðrá hina frægu Santa Monica Pier, þar sem Baywatch gerðist (og gerist enn, ég sá David Hasselhoff fremja götugjörning með litlum spegli og 5 puttum - ekkert klæmið við það). Um kvöldið röltum við göngugötu í grendinni og ég kom inn í alvöru Apple búið (OMG) en flúði áður en ég náði að festa klærnar í einhverju hvítu, plastkendu og rándýru. Þar átum við á ítölskum veitingastað með alvöru ítölskum þjóni með þykkum New Jersey hreim (þjónarnir á ítalska veitingastaðnum sem við stoppuðum á í Malibu voru alvöru ítalar, afkomendur Fasista og alles). Síðan á sunnudaginn fórum við í AMAZING LA TOUR um Beverly Hills og Hollywood og enduðum í Universal Studios. Crash course í LA, helvíti gaman. Sáum hvar Justin Timberlake á heima og hvar Marilyn Monroe átti heima. Sáum Hollywood skiltið og stjörnugangstéttina frægu. Í gær var svo Martin Luther King Jr. dagurinn og frí vegna þess, þá fórum við að kíkja á risafiðrildin sem eru hérna yfir "veturinn". Það var frekar magnað, ekki nærri eins klént og það hljómar, þau eru ca. lófastór og frekar skrautleg - og fjölmörg, hanga um 10.000 saman í knippi, og knippi út um allt. Maður gæti ímyndað sér pínulitlar leðurblökur, sérstaklega ef þau færu öll af stað í einu, trúlega stæði ekkert eftir af manni annað en beinagrindin ef maður lenti í svoleiðis.
Í dag gerðum við pabbi það gott á ebay, keyptum Cadillac á $3000 dollara, förum á föstudaginn að ná í hann til Fresno, sem er ca klukkutíma og korters akstri frá okkur - nálægt LA. Þá er allt komið, okkur vantar bara Sjónvarp, en þar sem ég er kominn með netið get ég náð í alla þá þætti sem mig langar að sjá (sagði einhver 'nýir BSG' eða '5. sería af 24'?).
Veðrið er búið að vera kallt, um 15°C - ég segi kallt bara til að stuða í ykkur heima þar sem fólki er ráðlagt að moka snjó frá ruslageymslunum HAHAHA! Vonandi fer að hlýna hérna - það er svo fúlt að þurfa að hjóla í meira en bara stuttermabol og sitja í sólinni til að hlýja sér.
Kveðja, Gummi.
Ps. ef þið viljið senda tölvupóst, senda þá á gakera@gmail.com frekar en hotmail, ég nota hann ekkert.

We get signal!

2006-01-17T01:18:00.000Z

Kominn með INTERNETIÐ HEIM! Woot. Loksins. Það þýðir að ég fæ að nýta mér sér Íslenska bókstafi í öllum orðum! Það er næstum jafn erfitt og að sleppa þeim alveg. Beztir eru þeir í hófi.
Núna get ég sest niður í róleg heitum og skrifað hvaða ævintýrum ég hef lent í síðustu daga. Þau eru sko fjöl mörg get ég sagt. En fyrst klósettferð og mjólkurglasið sem ég hellti mér fyrir 10 mínútum.
Þannig að, stay tuned, stutt í næstu færslu.
+10 bónus fyrir þá sem eru vakandi kl 01:30 heima og lesa þetta "fresh".

Enga spes stafi takk!

2006-01-09T22:13:00.000Z

Skyldi einhver spesstafur laumast inn af puttunum?
Ekki gott er skrifa mis af hann...
Bah, thetta gengur ekki. 'Eg kann ekki ad breyta lyklabordinu 'a 'Islensku, svo sp'a m'in raetist, 'eg neydist til ad skrifa svona.
Allt gott ad fr'etta, vid erum komin 'i S'olr'ika Kaliforn'iu thar sem allt er gott og fallegt. Erum en 'a h'oteli medan verid er ad standsetja 'ib'udina sem vid f'aum, vonandi 'i dag eda 'a m'orgun.
S'ol, s'ol, s'ol og meiri s'ol. Heitt, kalt, heitt til skiptis, thad er kallt thar sem s'olin er ekki og heitt thar sem h'un er, einfallt m'al.
Thad er 'otrulega fallegt h'erna, 'eg vildi 'eg gaeti sett myndir strax en 'eg er ekki med adstoduna til thess, thetta er ekki m'in talva. Akk'urat medan 'eg skrifa thetta er 'eg ad horfa 'a sj'o, p'almatr'e og onnur tr'e, drekaflugu, sundlaug, fjoll, bla'an himin og glampandi s'ol.
Pabbi er b'uinn ad kaupa s'er sima og minn virkar h'erna en 'eg 'a eftir ad f'a m'er local n'umer svo 'eg geti notad hann og haldid fj'arhagslegri gedheilsu minni 'obreyttri.
F'or 'i fyrsta t'imann 'i dag. Fae l'iklegast ekki leyfi hj'a pr'ofessornum til ad taka hann thar sem 'eg thurfti ad sitja 'a golfinu... Greinilega mikil ads'okn 'i Evkl'idska r'umfraedi h'erna.
N'una er thumalst'or kongul'o ad skrida 'a veggnum og 'eg er farinn, h'un vinnur.

Bless Kalda Land og Hlýja Þjóð

2006-01-05T18:04:00.000Z

Nú styttist í stóru stundina og ég er strax farinn að hugsa með söknuði til ykkar allra sem ég er að skilja eftir. Ég ætla mér að nota tæknina og kveðja með þessum skilaboðum og þeir sem vilja taka undir geta skrifað Comment hér fyrir neðan. Sniðugt, non?
Ég er uþb búinn að pakka og uþb farinn að hafa áhyggjur af því að hafa pakkað allt of miklu. Það er spurning hversu þung þessi 23kg eru eftir allt saman, og hvort þau séu eitthvað léttari hjá þeim í Bandaríkjunum. Segist bara hafa pakkað 23 víkinga kílóum, þeir geta ekkert sagt við því og ef þeir reyna þá blóta ég bara ásum eða einhverjum andskotanum til að hræða þá (og verða skotinn).
Þetta ætti nú að verða í lagi svo framarlega sem ég næ að halda aftur af lönguninni til að öskra JALLA JALLA og sveifla einhverju beittu (djöfull langar mig að prófa það).
Það fyrsta sem ég geri á morgun þegar ég vakna verður að rífa þessa tölvu í sundur og dreifa jafnt út um alla íbúð, til að minnka tap mitt ef brotist verður inn, þannig að það er best að klára kveðjuna bara núna.
Thannig ad naesta faersla sem eg geri verdur einhvernveginn svona thangad til eg nenni ad stilla lyklabordin tharna uti a Islensku.
Bless elsku fólk, bless kæra fólk og bless bara fólk ég mun sakna ykkar allra.
Gummi A.

Klisju listi - Kljistinn.

2006-01-02T23:11:00.000Z

Ég er að setja saman lista yfir það sem mig langar að gera í Ameríkunni og þar sem ég er svangur snúast fyrstu atriðin á honum um mat (þau eru matriði ... )

~~Borða á Big Kahuna Burger~~ Ok, slíkur staður er ekki til í alvörunni :(
Fara á White Castle (samnefnd mynd) og Red Lobster (Simpsons)
Borða á Breakfast Diner, morgunmatur allan sólahringinn - æði!
Fá Kínamat sendann heim um miðja nótt og japla á næstu daga.
Sjá hve mikið er hægt að kaupa fyrir $20 á McDonalds.
Smakka Root beer og Cream soda, án þess að æla ef hægt er.

Maður verður að prófa að vera með bjórhatt á íþróttaleik og drekka bjór beint úr kút í strandpartýi.
Nálægðin við Hollywood gerir það að verkum að ég ætla að sitja um nokkrar kvikmyndastjörnur og fá eiginhandaáritanir eða henda eggjum í þær, eftir atvikum.
Svo verður maður að klifra upp á HOLLYWOOD skiltið og horfa á sólina setjast í gegnum mengunarskýið sem liggur að jafnaði yfir LA. Mig langar líka að fara í þyrlutúr yfir LA, skoða borgina úr lofti.
Þar sem ég verð í Bandaríkjunum, sem eru jú byggð á réttindum fólks til að mótmæla, verður maður að mótmæla einhverju. Mér datt í hug að mótmæla aftöku einhvers, ef svo 'heppilega' hittist á ...
Veit ekki hvort ég þarf þess, en mig langar að taka bílpróf án þess að keyra beinskiptan bíl, mér finnst magnað að það skuli vera hægt.
Síðan verð ég að fara á einhverskonar nördaráðstefnu, Star Trek/Wars, Comic, Tölvuleikja, bara einhverskonar ráðstefnu þar sem eru nógu ógeðslega miklir nördar eins og maður sér í sjónvarpinu.
Vonandi kemst ég yfir að gera þetta allt saman, og ef tími gefst til þá reyni ég að læra eitthvað í skólanum þarna.

Flugmiðar og annað pappírsdrasl

2005-12-19T23:56:00.000Z

Flugmiðarnir komu í pósti í dag og eru glæsilegir ... og grænir. Við fljúgum út 6. jan, fyrst til New York, áætlaður flugtími 6 klst. Síðan frá New York til Las Vegas, áætlaður flugtími 6 klst, og svo síðasta spölinn til Santa Barbara sem á að taka tæpan einn og hálfan tíma.
Jámm, 13 klukkutíma flugtörn, með tilheyrandi braski með töskur og poka. Maður má víst vera með tvær töskur sem verða að vera undir 23kg hvor. Ég veit ekki hvað ég ætla að taka með en ég held einhvern veginn að það verði undir 40kg (segum að tóm taska sé 3kg).
Ætli ég taki ekki þrennar buxur, þessar sem ég er í plús þessar tvær sem liggja á gólfinu. Peysur, skyrtur, boli, bla, bla, bla. Nælon jakkann minn og svo kanski leðurjakkann, ég er svo helvíti montinn með hann. Sæng og kodda? Held ekki að ég þurfi dúnsæng, veit það bara ekki, tek kannski teppi. Allavega.
Ég verð að fara að grafa í geymslunni, reyna að finna eitthvað af gömlum ferðatöskum. Mamma og Pabbi keyptu sér náttúrúlega nýjar töskur þegar þau fóru seinast út og henntu hinum sem þau tóku. Ætli ég þurfi ekki að nota gömlu rauðhettu töskuna hennar Mömmu, stór - rauð - ferhyrnt, alveg eins og rauðhetta. Það er svona að eiga heimsforeldra sem eru alltaf að ferðast. Alltaf gleymist að kaupa handa Gumma. Ég þurfti að halda mér í fýlu lengi eftir að þau komu heim bæði í spánýjum leðurjökkum án þess að hafa keypt handa mér. "Hey, bara allir í nýjum leðurjakka! Nema Gummi ... hann er í dúnúlpu með lopavetlinga sem eru fastir saman með spotta." Það virkaði þó, næst komu þau heim með flottan leðurjakka handa mér og ég henti dúnúlpunni í tjörnina svo gæsirnar gætu endurheimt dúninn (það var gerfidúnn og þær köfnuðu a.m.k. fjórar).
Seinasta prófið á morgun, en hverjum er ekki skítsama um það, CALIFORNIA BABY!

Hver er hálviti - GUMMI!

2005-12-13T15:21:00.000Z

Jámm, svona er það. Nú er ég búinn að sóa $75 í husteríuna í mér.
Ég var alveg viss um að þar sem á I-20 eyðublaðinu mínu stóð að ég myndi bara vera í 3 mánuði í Bandaríkjunum væri deginum ljósara að ég fengi bara VISA áritun í 3 mánuði.
Nei.
Ég fékk VISA áritun í 5 ár. Flott.
Áður en ég komst að þessu var ég búinn að borga $75 fyrir að láta gera nýtt I-20 eyðublað fyrir 6 mánuði og senda það hingað með ofur hraðþjónustu FedEx (sem síðan breytist í Olbogi-í-endaþarm-þjónustu, Grjótrassgati 4 í Hafnarfirði).
Jæja - mamma og pabbi fá þá bara enga jólagjöf í ár...

Þetta helsta

2005-12-12T20:20:00.000Z

Ég er að fara sem skiptinemi til UCSB, það er University of California in Santa Barbara. Sjá mynd.
Ég verð í tvo fjórðunga sem er sambærilegt við eina önn hérna heima, janúar til júní.

Það er allt klárt (næstum allstaðar - n.a.), flugið bókað, íbúðarmál frágengin, ég er kominn með vegabréfsáritun (reyndar bara í 3 mánuði) og umsóknin mín er frágengin eftir því sem ég best veit.
Flýg út 6. janúar með mömmu og pabba. Pabbi kemur með á rannsóknarleyfi frá HÍ og mamma ákvað að skella sér með (til að spila golf og smakka rauðvín). Þau fara svo heim um miðjan mars og ég fæ að vera í friði seinni fjórðunginn, framm í júní.

Námskeiðin sem ég tek eru sambærileg við Rúmfræði, Grannfræði, Algebru II og Netafræði hérna heima. Ég er búinn að ganga frá því að þau verði metin sem slík þegar ég kem til baka. Þau heita á ensku

102A&B Modern Euclidean and Noneuclidean Geometry

108A&B Advanced Linear Algebra

137A&B Graph and Network Theory

145 Introduction to Topology

Það er ýmislegt skemmtilegt sem mig langar að gera þarna úti, ég er að setja saman lista sem ég mun skella hingað þegar hann er tilbúinn.

Þá er þetta helsta komið og gamanið getur hafist. Verst að ég flýg ekki út fyrr en eftir 26 daga.

Enn heima

2005-12-11T13:45:00.000Z

Hérna ætla ég, Gummi A, að ~~reynað vera fyndinn~~ skrifa um ævintýri mín í Ameríku.
Næst á dagskrá eru reyndar jólaprófin og eftir það jól og áramót, en hverjum er ekki sama um það, ég er að fara til Kaliforníu!
Stay tuned...